ing Tugu Jogja
rikala semana,
tak umpetne tresnaku
ing pucuking tugu jogja,
aja nganti ana sing weruh
------------
wingi aku ngliwati dalan iki,
sinambi ngawat-awati cuilan
tresna sing wis kepangan mangsa,
aku kaget,
jebul tresnaku isih cumantel
ing pucuk tugu
gegancangan tak jupuk tak emban-emban,
ah, tresna iki isih seger
sanadyan wis kepangan mangsa,
................
wit ringin kurung alun-alun keraton jogja..
ngrumbaka seger sumyah anggambarake katresnan..
sing diantu antu ing pucuking tugu.
nolah noleh karep yen bisa kepethuk
slisipan dalan ra nemu
jodo teko dewe opo diuyak
pada tekade
