isih tansah dak waca,
anggawa rasa kingkin,
ing mangsa rendheng katelu
ngepasi kartika ngancik patbelas dina,
sliramu tak anti-anti ana ing pinggiran gisik pang-pang kene
rasaku wis memet, nggremet-nggremet,
teka ing pikir kang amet,
tansah nunggu
sliramu bali, masiya hamung sak kedhepe
netra…
dhiajeng,
mbok menawa sliramu pancen nduweni rasa kang padha
karo rasa pangrasaku,
mula, tak titipake kangen iki
marang gegulunge ombak
sing tansah setya tuhu marang mangsa sing sok geseh,
gusuh sing wola-wali iki…
amung siji panyuwunku,
muga sliramu tansah rahayu memuji gusti,
lan pinayungan sih kanugrahaning pangeran…
: sesuk, tak tunggu sliramu ing gisik pang- pang iki
_____________
ing gisik pang-pang
gisik pang-pang/teluk pang-pang membujur
searah garis pantai dengan semenanjung blambangan,
yakni sebuah semenanjung yang terletak di ujung paling timur Pulau Jawa.
Semenanjung ini berada di wilayah Kecamatan Muncar (Muntjar) Kabupaten Banyuwangi, Jawa Timur.
Di sebelah utara berhadapan dengan Selat Bali dan di sebelah selatan dengan Samudra Hindia.
Nama Blambangan sendiri diambil dari nama kuna daerah Banyuwangi, yang pada masa Kerajaan Majapahit hingga Kesultanan Mataram (abad ke-17) merupakan pelabuhan dagang dan daerah taklukan Kerajaan Mengwi dari Pulau Bali
